"Даярлығым қош сау бол!" атты даярлықпен қоштасу ертеңгілігі.

Тақырыбы: Даярлығым қош сау бол!

Мақсаты: Балаларды мектепалды даярлық тобынан шығарып сала отырып, оқу-білімге деген қызығушылығын оятып, Отанын, елін, жерін құрметтеуге баулып, адамгершілікке, сыйластыққа тәрбиелеу.

Әдісі: Ертеңгілік

Іс-шара барысы: Жүргізуші: Қайырлы күн, құрметті ата-аналар, ұстаздар, қонақтар!

Бір жыл бойы мектепалды даярлық тобында тәрбиеленіп, білім нәрімен сусындап, оң солын танып, білім жолына қадам басқалы отырған бүлдіршіндеріміздің даярлық топпен қоштасу ертеңгілігіне қош келдіңіздер. Бүлдіршіндерге сәт сапар тілей отырып, «Даярлық топпен қоштасу!» атты ертіңгілігімізді бастауға рұхсат етіңіздер.

Жүргізуші:Бүгінгі мерекенің шынайы кейіпкерлері -  дей отырып балаларды ортаға шақырайық:

Алтыннан ардақты,                                                                                                

Күмістей салмақты сыныбымыздың мақтанышы  - Мұқажан Мирас

Әдемі ән айтатын,                                                                                                                  

Көңілді болып үйге қайтатын сыныбымыздың көңілді бүлдіршіні – Габиденова Көзайым

Отбасының берекесі,                                                                                                     

Ата-анасының еркесі - Сансызбаев Ансар

Асқан білімді болатын,                                                                                                              

Жақсы мақтау алатын сыныбымыздың білімпазы – Қаділбек Мадина

Мінезі жайдарлы,                                                                                                              

Өзі мейірімді сыныбымыздың мақтанышы - Талғат Әлнұр

Жүргізуші:

Өтті қызық көп күндер,

Алты жасқа жеттіңдер.

Барасыңдар мектепке,

Бір белестен өттіңдер.

Өсті міне бойларың,

Өсті ақыл-ойларың.

Қуанышқа ортақпын,

Құтты болсын тойларың!

Жүргізуші: Ал енді бүлдіршіндеріміздің осы ертеңгілікке арналған өнерлерін тамашалайық.

Тәрбие берген ұямыз,                                                                                                         

Тәртіпті бала боламыз.                                                                                                      

Даярлықпен қоштасып          Мирас

Мектепке енді барамыз.

Армысың сен алтын ұя мектебім 

  Саған айтар жыр алғысым көп менің. 
  Жүректерге жаққан білім шырағын,            Мадина
  Мектебіме арналады бұл әнім

Қоштасып бүгін даярлықпен                                                                                          

 Біріншіге барамыз                                                                                                           

Сіздерді біз ұмытпай                           Ансар                                                                                    

Есімізге аламыз.

Мектепке енді барамыз,

Үлгілі оқушы боламыз

Жақсы оқып сабақты,             Көзайым

Кілең бестік аламыз

Әріптерді таныдық,

Санауды да,меңгердік,

Алғыс сізге ұстазым,               Әлнұр

Атымды мен жазамын

Жүргізуші:  Олай болса балалардың сіздерге арнаған “Оқуда озат боламын” әнін қабыл алыңыздар.

Жүргізуші: 

Ботақандай бөбек деп,

Еркелеткен ұл - қызын.

Анамызды ерекше

Куантамыз біз бүгін!

Әп-әсем киініп,құлпырып келуіне бар үлесін қосып, түн ұйқысын төрт бөліп өсірген аналарымызға барлығы РАХМЕТ!!!

Жүргізуші:

Құлақтан кіріп бойды алар

Әсем ән мен тәтті күй

Көңілге түрлі ой салар,

Әнді сүйсең, менше сүй – деп Абай атамыз айтқандай кезекті әсем әнге береміз.

 «Біз мектепке барамыз!»   әні. Орындайтын: Ансар,Мадина және Әлнұр оқушыларыңыз.

Жүргізуші:

Олай болса мен ойынды балалармен жалғастырғым келіп тұр «ия,ия» «жоқ,жоқ» ойынын ойнайық.

1. Мектепке біз барамыз ба?
2. Кілең бестік аламыз ба?
3. Айтқан тілді аламыз ба?
4. Ақылды бала боламыз ба?
5. Нан жеймін деп жылаймыз ба?
6. Таңертең ерте тұрамыз ба?
7. Сабақта отырып ұйықтаймыз ба?
8. Ойыншықтармен ойнайыз ба?
9.  Оқушы біз боламыз ба?

Жарайсыңдар балалар!

Келесі кезекте би “Даярлық тобымен қоштасу вальсі”

Ән көңілдің ажары, Би өмірдің базары деп кезекті әсем әнге береміз.

Хор “Ұстаз-ана” әні

Балаларға алғыс хат тапсыру үшін сөз кезегі  жетекшісі – Базарбаев Абылай Халтореұлына беріледі.

Сүйікті балғын бала шақ,

Сендердікі болашақ.

Озат болып оқыңдар,

Ойға білім тоқыңдар.

Құрметті осы мерекеге жиналған ата-аналар, ұстаздар! Бала біздің болашағымыз, еліміздің ертеңі. Сол ертеңгі ел тізгінін ұстайтын ұрпағымызды тәрбиелеп,

бойына ізгілік нұрын себу мына отырған сіздермен біздердің міндетіміз.

Осы балаларға сәт-сапар тілей отырып, ата-аналардан ақ батасын сұраймыз.

Соңы: 

Айналайын гүлдерім                                                                                                                        

Ақ шуақты күндерім                                                                                                                

Ерекше қызық тілдерің                                                                                                                      

Естен кетпес үндерің   

Мұңайтпасын қиындықтар сендерді                                                                          

Батылдықпен асыңдар сан белдерді                                                                               

Білімдеріңмен қуантыңдар мектепті                                                                                   

Жақсы іспен қуантыңдар біздерді                                                                                                                                           

- Міне балалар, қоштасар сәт те келіп жетті. Осы отырған 5 баланың барлығы бір баладай бізге ыстық, сондықтан да қимастықпен шығарып саламыз.

Алдағы әр күндерің жарқын, алаңсыз, мәнді де мағыналы болсын! 

Сәт-сапар, сендерге балалар!Осымен біздің ертеңгілігіміз аяқталды. Қош сау болыңыздар!